துடியலூர் அருகே ஆனைகட்டி மலையடிவார கிராமமான வீரபாண்டி புதூரில் ஞாயிற்றுக்கிழமை நள்ளிரவில் புகுந்த ஒற்றை யானை அங்கிருந்த வீட்டின் ஜன்னலை உடைத்து உணவுப் பொருள்களை தின்று சேதப்படுத்தியது.
இக்கிராமத்தில் அடிக்கடி யானைகள் புகுந்து பொருள்களை சேதப்படுத்தி வந்த நிலையில், கடந்த சில மாதங்களாக இவற்றின் நடமாட்டம் குறைந்திருந்தது.
இந்நிலையில், இக்கிராமத்துக்குள் ஞாயிற்றுக்கிழமை நள்ளிரவில் புகுந்த ஒற்றை யானை, அங்குள்ள செல்வராஜின் வீட்டு ஜன்னலை உடைத்து உள்ளே வைக்கப்பட்டிருந்த அரிசி மூட்டைகளை தூக்கிச் சென்று தின்றது.
சப்தம் கேட்டு எழுந்த செல்வராஜ், அருகில் வசிப்பவர்களுக்கு செல்லிடப்பேசியில் தகவல் அளித்தார். இதையடுத்து பொதுமக்கள் பட்டாசுகளை வெடித்து யானையை காட்டுக்குள் விரட்டினர்.