அன்னூா், கோவில்பாளையம் அருகே இருசக்கர வாகனம் மோதியதில் தடுமாறி விழுந்தவா் மீது சரக்கு வாகனம் மோதியதில் இளைஞா் திங்கள்கிழமை உயிரிழந்தாா். மேலும் ஒருவா் காயமடைந்தாா்.

கோவில்பாளையம் அருகே உள்ள குரும்பபாளையம் பகுதியைச் சோ்ந்தவா் குமாரசாமி (38). இவா், வாரி காா்டன் அருகே கோவை - சத்தி சாலையை கடக்க முயன்றாா். அப்போது அந்த வழியாக வந்த இருசக்கர வாகனம் குமாரசாமி மீது மோதியது.

இதில் நிலைதடுமாறி கீழே விழுந்த குமாரசாமி மீது அதே வழியில் வந்த சரக்கு வாகனம் மோதியதில் சம்பவ இடத்திலேயே அவா் உயிரிழந்தாா். இருசக்கர வாகனத்தை ஓட்டி வந்த வையாபுரி நகரைச் சோ்ந்த காா்த்திக் பலத்த காயமடைந்து, தனியாா் மருத்துவமனையில் அனுமதிக்கப்பட்டுள்ளாா். இதுகுறித்து கோவில்பாளையம் போலீஸாா் வழக்குப் பதிந்து விசாரித்து வருகின்றனா்.