விவாஹ மாலை டாட் காம் நாடக நிகழ்ச்சி கோவையில் ஞாயிற்றுக்கிழமை நடைபெற்றது.
ஸ்ரீகிருஷ்ணா ஸ்வீட்ஸ் நிறுவனம் சார்பில் நாடகம் பார்க்க வாங்க நிகழ்வு கிக்கானி மேல்நிலைப்பள்ளியின் சரோஜினி நடராஜ் கலையரங்கில் ஞாயிற்றுக்கிழமை நடைபெற்றது. இதில் சென்னை பிஎம்ஜி மயூர ப்ரியா கிரியேஷன்ஸ் குழுவினரின் விவாஹ மாலை டாட் காம் நாடகம் நடைபெற்றது. மேட்ரிமோனியல் இணையதள நிறுவனம் நடத்துபவருக்கும் அதன் வாடிக்கையாளர்களுக்கும் இடையே உள்ள உரையாடல் வடிவில் இந்த நாடகம் அமைந்திருந்தது.
இன்றைய கால பெண்களுக்கு திருமணம் குறித்துள்ள எதிர்பார்ப்பும், அதற்கு அவர்கள் முன்வைக்கும் விதிமுறைகளையும் நகைச்சுவையுடன் இந்த நாடகத்தில் சித்தரிக்கப்பட்டிருந்தது.