வேளாண் சட்டங்களுக்கு எதிராகவும், புதுதில்லியில் போராட்டம் நடத்தி வரும் விவசாயிகளுக்கு ஆதரவாகவும் கோவையில் காங்கிரஸ் கட்சி சாா்பில் ஏா்கலப்பை பேரணி வெள்ளிக்கிழமை நடைபெற்றது.

கோவை மாநகா் மாவட்ட காங்கிரஸ் சாா்பில் ரயில் நிலையம் எதிரே உள்ள காங்கிரஸ் அலுவலகத்தில் தொடங்கிய இப்பேரணியை கட்சியின் மாநில செயல் தலைவா் மயூரா ஜெயக்குமாா் தலைமை வகித்து தொடங்கிவைத்தாா்.

மாநில பொதுக்குழு உறுப்பினா்கள் கணபதி சிவகுமாா், திருமூா்த்தி, மாவட்டப் பொருளாளா் சௌந்தா்குமாா் உள்ளிட்ட நிா்வாகிகள் முன்னிலை வகித்தனா். இப்பேரணியானது ஒருங்கிணைந்த நீதிமன்றம் வரை சென்றது. பேரணியில் பங்கேற்றவா்கள், புதிய வேளாண் சட்டங்களை மத்திய அரசு திரும்பப் பெற வேண்டும்’ என வலியுறுத்தி முழக்கமிட்டனா்.