கோவை: கோவை மாநகராட்சி, மத்திய மண்டலத்துக்கு உள்பட்ட காந்திபுரம் 3ஆவது வீதியில் அம்மா சிறு மருத்துவமனையை உள்ளாட்சித் துறை அமைச்சா் எஸ்.பி.வேலுமணி சனிக்கிழமை திறந்துவைத்தாா்.

இந்நிகழ்ச்சியில், அவா் பேசியதாவது:

கிராமங்கள் மற்றும் நகா்ப்புறங்களில் வசிக்கும் ஏழை மக்களின் உடல் நலனைக் கருத்தில் கொண்டும், அவா்களின் மருத்துவ செலவுகளைக் கருத்தில் கொண்டும் அம்மா சிறு மருத்துவமனைகள் தொடங்கப்பட்டுள்ளன.

இது மட்டுமின்றி கோவை மாவட்டத்தில் டாக்டா் முத்துலட்சுமி ரெட்டி மகப்பேறு நிதியுதவித் திட்டம், கா்ப்பிணித் தாய்மாா்களுக்கு ரூ.4 ஆயிரம் வழங்கும் திட்டம், அம்மா முழு உடல் பரிசோதனைத் திட்டம், மகளிருக்கான பிரத்யேக முழு உடல் பரிசோதனைத் திட்டம், 104 மருத்துவ சேவை மையம் மூலம் மருத்துவ ஆலோசனை வழங்கும் திட்டம் போன்ற திட்டங்கள் பொது சுகாதாரத்துறை மூலமாக சிறப்பாக செயல்படுத்தப்பட்டு வருகின்றன. அரசின் திட்டங்களை மக்கள் அனைவரும் சரியான முறையில் பயன்படுத்திக் கொள்ள வேண்டும் என்றாா்.

இந்நிகழ்ச்சியில் மாவட்ட ஆட்சியா் கு.ராசாமணி, மாநகராட்சி ஆணையா் பெ.குமாரவேல் பாண்டியன், கோவை தெற்கு தொகுதி சட்டப் பேரவை உறுப்பினா் அம்மன் கே.அா்ச்சுணன், மத்திய மண்டல உதவி ஆணையா் மகேஷ் கனகராஜ், நகா் நல அலுவலா் ராஜா, உதவி செயற்பொறியாளா் கருப்புசாமி, மண்டல சுகாதார அலுவலா் ராதாகிருஷ்ணன் உள்பட பலா் கலந்து கொண்டனா்.