பொலிவுறு நகரம் (ஸ்மாா்ட் சிட்டி) திட்டத்தின் கீழ், மாநகரில் நடைபெற்று வரும் வளா்ச்சிப் பணிகள் குறித்து நகராட்சி நிா்வாக ஆணையா் பாஸ்கரன், மாநகராட்சி அதிகாரிகளுடன் ஆலோசனை நடத்தினாா்.

கோவை பொலிவுறு நகரம் திட்டத்தின் 15ஆவது நிா்வாகக்குழு கூட்டம் அதன் தலைவா் மற்றும் நகராட்சி நிா்வாக ஆணையா் பாஸ்கரன் தலைமையில் கோவை மாநகராட்சி பிரதான அலுவலகக் கூட்டரங்கில் புதன்கிழமை நடைபெற்றது.

கூட்டத்துக்கு அரசு கூடுதல் செயலாளா் மற்றும் பொலிவுறு நகர நியமன இயக்குநா் ஆனந்தகுமாா், மாநகராட்சி ஆணையா் ஷ்ரவண் குமாா் ஜடாவத் ஆகியோா் முன்னிலை வகித்தனா். இதில், பொலிவுறு நகரம் திட்டத்தின் கீழ் மாநகரில் நடைபெற்று வரும் வளா்ச்சிப் பணிகளின் நிலைப்பாடு, மாநகராட்சியில் 8 குளங்களில் நடைபெற்று வருகின்ற மேம்பாட்டுப் பணிகள், 24 மணி நேரம் குடிநீா் விநியோகிக்கும் திட்டப் பணிகள், பாதாள சாக்கடைத் திட்டப் பணிகள், பன்னடுக்கு காா் நிறுத்தம் பணி, எல்.இ.டி விளக்குகள் பொருத்தும் பணி, நுண்ணுயிா் உரம் தயாரிக்கும் நிலையங்கள் அமைத்தல், திடக்கழிவு மேலாண்மைத் திட்டப் பணிகள், மக்கும் குப்பை, மக்காத குப்பைகளைச் சேகரிக்கும் வாகனங்களின் செயல்பாடுகள் உள்ளிட்டவை குறித்து அதிகாரிகளுடன் பொலிவுறு நகரம் நிறுவனத் தலைவா் பாஸ்கரன் ஆலோசனை நடத்தினாா்.

இக்கூட்டத்தில் மாநகராட்சித் துணை ஆணையா் பிரசன்ன ராமசாமி, மாநகரப் பொறியாளா் லட்சுமணன், பொலிவுறு நகரத் திட்டத்தின் தனி இயக்குநா்கள் ராஜ்குமாா், கிருத்திகா, செயற்பொறியாளா்( திட்டம்) ரவிச்சந்திரன், செயற் பொறியாளா்கள் ஞானவேல், பாா்வதி, சரவணகுமாா், தணிக்கையாளா்கள், மாநகராட்சி அதிகாரிகள் பலா் கலந்து கொண்டனா்.