கோவையில் ரூ.5.56 லட்சம் பறிமுதல்

கோவை வடக்கு சட்டப் பேரவை தொகுதியில் ஆவணங்கள் இன்றி எடுத்து செல்லப்பட்ட ரூ.5.56 லட்சம் ரொக்கத்தை பறக்கும் படை அதிகாரிகள் திங்கள்கிழமை பறிமுதல் செய்தனா்.

கோவை வடக்கு தொகுதிக்கு உள்பட்ட தடாகம் சாலை அரசு தொழில்நுட்பக் கல்லூரி அருகில் பறக்கும் படையினா் திங்கள்கிழமை சோதனை மேற்கொண்டிருந்தனா். அப்போது இருசக்கர வாகனத்தில் வந்த காா்த்திகேயன் என்பவரிடம் ஆவணங்கள் இல்லாமல் இருந்த ரூ. 5 லட்சத்து 56 ஆயிரத்து 630 ரொக்கத்தை அதிகாரிகள் பறிமுதல் செய்து கோவை வடக்கு சட்டப் பேரவை தொகுதி தோ்தல் நடத்தும் அலுவலா் உ.முருகேசனிடம் ஒப்படைத்தனா். கோவை மாவட்டத்தில் திங்கள்கிழமை மட்டும் ரூ. 7 லட்சத்து 89 ஆயிரத்து 730 ரொக்கம் பறிமுதல் செய்யப்பட்டுள்ளது.

கோவை மாவட்டத்தில் இதுவரை பொள்ளாச்சி, வால்பாறை, கோவை வடக்கு, மேட்டுப்பாளையம் ஆகிய தொகுதிகளில் 14 பேரிடம் இருந்து உரிய ஆவணங்கள் இன்றி எடுத்து செல்லப்பட்ட ரூ.14 லட்சத்து 45 ஆயிரத்து 730 பணம் பறிமுதல் செய்யப்பட்டுள்ளதாக மாவட்ட தோ்தல் நடத்தும் அலுவலா் கு.ராசாமணி தெரிவித்துள்ளாா்.