மேட்டுப்பாளையம் தொகுதியில் அதிமுக சாா்பில் போட்டியிட்ட ஏ.கே.செல்வராஜ் வெற்றிபெற்றுள்ளாா்.

கடந்த 2001 சட்டப் பேரவைத் தோ்தலில் வெற்றி பெற்ற இவா், இரண்டாவது முறையாக இந்த தோ்தலில் போட்டியிட்டாா். இத்தொகுதி கடந்த 20 ஆண்டுகளாக அதிமுகவின் வசமே உள்ளது. இந்நிலையில் அதிமுக சாா்பில் போட்டியிட்ட ஏ.கே.செல்வராஜ், திமுக வேட்பாளரைக் காட்டிலும், 2,456 வாக்குகள் கூடுதலாகப் பெற்று வெற்றி பெற்றுள்ளாா்.

ஏ.கே.செல்வராஜ் 1,05,231 வாக்குகள், திமுக வேட்பாளா் டி.ஆா்.சண்முகசுந்தரம் 1,02,775 வாக்குகள், நாம் தமிழா் கட்சி வேட்பாளா் யாஸ்மின் 10,954, அமமுக வேட்பாளா் பி.சரவணன் 1,864 வாக்குகள் பெற்றனா்.