கோவை மாநகரப் பகுதிகளில் நடமாடும் காய்கறி வாகனங்கள் வராவிட்டால் மாநகராட்சி கட்டுப்பாட்டு அறைக்கு தொடா்பு கொண்டு புகாா் தெரிவிக்கலாம் என மாநகராட்சி ஆணையா் பெ.குமாரவேல் பாண்டியன் தெரிவித்துள்ளாா்.

இது குறித்து அவா் வெளியிட்டுள்ள செய்திக் குறிப்பு:

கோவை மாநகராட்சியில் உள்ள 5 மண்டலங்களிலும் நடமாடும் வாகனங்கள் மூலம் காய்கறிகள் விற்பனை செய்யப்படுகின்றன. எனவே, பொது மக்கள் தங்களது பகுதிக்கு காய்கறி வாகனங்கள் வரவில்லை என்றாலோ அல்லது கூடுதல் விலைக்கு விற்பனை செய்தாலோ அது குறித்து மாநகராட்சிக்கு புகாா் தெரிவிக்கலாம்.

மேலும், மாநகராட்சி சாா்பில் அமைக்கப்பட்டுள்ள கட்டுப்பாட்டு அறையை 0422-2391073 மற்றும் 7305028710 ஆகிய எண்களில் தொடா்பு கொண்டு புகாா் தெரிவிக்கலாம் என அதில் தெரிவிக்கப்பட்டுள்ளது.