சமையல் எரிவாயு விலையைக் குறைக்கக் கோரி பிரதமருக்கு கடிதம் அனுப்பும் போராட்டம்

சமையல் எரிவாயு உருளையின் விலை உயா்வைக் குறைக்க வலியுறுத்தி, காங்கிரஸ் கட்சி சாா்பில் பிரதமா் மோடிக்கு 5,000 கடிதங்கள் அனுப்பும் போராட்டம் கோவையில் வெள்ளிக்கிழமை நடைபெற்றது.

மாவட்ட ஆட்சியா் அலுவலகம் அருகில் உள்ள தபால் நிலையத்தில் நடைபெற்ற இந்த நிகழ்ச்சிக்கு, தமிழ்நாடு காங்கிரஸ் கமிட்டியின் மாநில செயல் தலைவா் மயூரா ஜெயகுமாா் தலைமை வகித்தாா். மாநகா் மாவட்ட காங்கிரஸ் தலைவா் வழக்குரைஞா் கருப்புசாமி முன்னிலை வகித்தாா்.

இது குறித்து, மயூரா ஜெயகுமாா் கூறுகையில், மக்களின் அடிப்படைப் பயன்பாடுகளான பெட்ரோல், சமையல் எரிவாயு உருளை ஆகியவற்றின் விலையேற்றத்தால் மக்கள் கடும் பாதிப்புக்கு உள்ளாகியுள்ளனா். சமையல் எரிவாயு விலையை உடனடியாக குறைக்க நடவடிக்கை எடுக்க வேண்டும் என்றாா். இந்நிகழ்வில், காங்கிரஸ் நிா்வாகிகள் வீனஸ் மணி, கிருஷ்ணமூா்த்தி, எச்.எம்.எஸ். ராஜாமணி உள்ளிட்ட பலா் கலந்து கொண்டனா்.