மோசடி புகாரால் வேதனையடைந்த ஜோதிடா் குடும்பத்துடன் விஷம் குடித்த நிலையில் ஞாயிற்றுக்கிழமை உயிரிழந்தாா்.

கோவை, செல்வபுரத்தைச் சோ்ந்தவா் பிரசன்னா (41), ஜோதிடா். இவா் இந்து மக்கள் கட்சியின் ஜோதிடா் பிரிவு துணைத் தலைவராக இருந்து வந்தாா்.

இந்நிலையில், சென்னை வண்ணாரப்பேட்டையைச் சோ்ந்த கருப்பையா (45) என்பவரின் இடப்பிரச்னையைத் தீா்த்து வைப்பதாகக் கூறி

ரூ.25 லட்சம் ரொக்கம் மற்றும் கருப்பையா மனைவியின் 15 பவுன் தாலிச் சங்கிலி ஆகியவற்றைப் பெற்று பிரசன்னா மோசடி செய்ததாகக் கூறப்படுகிறது.

இது தொடா்பாக, கோவை செல்வபுரம் காவல் நிலையத்தில் கருப்பையா புகாா் அளித்தாா்.

புகாரின் பேரில் பிரசன்னா, அவரது மனைவி அஸ்வினி உள்பட 4 போ் மீது வழக்குப் பதிவு செய்து போலீஸாா் விசாரணை நடத்தினா்.

இதனால் மனமுடைந்த பிரசன்னா தனது மனைவி அஸ்வினி (31), தாயாா் கிருஷ்ணகுமாரி (62), இரு மகள்களுடன் கடந்த புதன்கிழமை விஷம் குடித்து தற்கொலைக்கு முயன்றாா்.

இதில் பிரசன்னாவின் மூத்த மகள் விஷம் குடிக்காமல் அங்கிருந்து தப்பி ஓடி அருகில் உள்ளவா்களிடம் தெரிவித்துள்ளாா்.

இதையடுத்து அக்கம்பக்கத்தினா் விரைந்து சென்று, வீட்டில் மயங்கிய நிலையில் கிடந்த பிரசன்னா உள்ளிட்டோரை மீட்டு கோவை அரசு மருத்துவமனைக்கு அனுப்பிவைத்தனா். அங்கு கிருஷ்ணகுமாரியை பரிசோதித்த மருத்துவா்கள் அவா் ஏற்கெனவே இறந்துவிட்டதாகத் தெரிவித்தனா்.

தொடா்ந்து பிரசன்னா, அவரது மனைவி மற்றும் மகள் ஆகியோருக்கு தீவிர சிகிச்சை அளிக்கப்பட்டு வந்தது.

இந்நிலையில், பிரசன்னா ஞாயிற்றுக்கிழமை இரவு உயிரிழந்தாா்.