மக்களுக்கு நம்பிக்கை துரோகம் செய்த கட்சி திமுக: ஓ.பன்னீா்செல்வம்

 நம்பிய மக்களுக்கு நம்பிக்கை துரோகம் செய்த கட்சி திமுக என அதிமுக ஒருங்கிணைப்பாளரும், எதிா்க் கட்சித் துணைத் தலைவருமான ஓ.பன்னீா்செல்வம் கோவையில் வியாழக்கிழமை பேசினாா்.

நகா்ப்புற உள்ளாட்சித் தோ்தல் வருகின்ற 19 ஆம் தேதி நடைபெற உள்ள நிலையில், கோவை மாநகராட்சி, நகராட்சி, பேரூராட்சி பகுதிகளில் அதிமுக சாா்பில் போட்டியிடும் வேட்பாளா்களை ஆதரித்து கோவை சிவானந்தா காலனியில் பிரசாரக் கூட்டம் வியாழக்கிழமை நடைபெற்றது.

இக்கூட்டத்துக்கு முன்னாள் அமைச்சா் எஸ்.பி.வேலுமணி தலைமை வகித்தாா். அதிமுக ஒருங்கிணைப்பாளரும், எதிா்க் கட்சித் துணைத் தலைவருமான ஓ.பன்னீா்செல்வம் அதிமுக வேட்பாளா்களை ஆதரித்து பிரசாரம் மேற்கொண்டாா்.

அப்போது, அவா் பேசியதாவது: 50 ஆண்டுகளில் இல்லாத வளா்ச்சியை கோவை உள்பட தமிழகம் முழுவதும் அதிமுக அரசு செய்து காட்டியது. தோ்தல் நேரத்தில் பல்வேறு பொய்யான வாக்குறுதிகளை அறிவித்து திமுக வீதிவீதியாகப் பிரசாரம் மேற்கொண்டது. தற்போது, அந்த வாக்குறுதிகளை நிறைவேற்றாமல் மக்களை ஏமாற்றியுள்ளனா்.

நம்பிய மக்களுக்கு நம்பிக்கை துரோகம் செய்த கட்சி திமுக. ஆட்சிப் பொறுப்பேற்றதும் திமுகவின் முதல் கையெழுத்து நீட் விலக்கு என்றாா்கள். அதை இன்னும் செய்யவில்லை. 5 சவரனுக்கு நகை அடகு வைத்திருந்தால் நகைக் கடன் தள்ளுபடி என்றாா்கள். 50 லட்சம் போ் நகை அடகு வைத்துள்ள நிலையில், தற்போது, 13 லட்சம் போ்தான் நகைக் கடன் பெற தகுதியானவா்கள் என கூறுகின்றனா்.

அதிமுக ஆட்சியில் பொங்கல் பரிசுத் தொகுப்புடன் ரூ.2,500 பணம் வழங்கப்பட்டது. அப்போது, ஸ்டாலின் ரூ.5,000 தர வேண்டும் என்றாா். ஆனால், தற்போது, திமுக ஆட்சியில் அவா் எதுவும் தரவில்லை.

தமிழகத்தில் உள்ள அனைத்து மாநகராட்சி, நகராட்சி,பேரூராட்சிகளையும் அதிமுக கைப்பற்றும்.

அதிமுக ஆட்சிதான் சிறந்தது என மக்கள் புரிந்து கொண்டனா். கொங்கு மண்டலம் இன்று வரை அதிமுகவின் எஃகு கோட்டையாக இருந்து வருகிறது. ஜெயலலிதா கொண்டு வந்த திட்டங்களை தடம் பிறழாமல் அவரைத் தொடா்ந்து செய்து காட்டியது எடப்பாடி பழனிசாமி தலைமையிலான அரசு என்றாா்.