ஈரோடு - தொட்டிபாளையம் இடையே ரயில் பாதையில் பொறியியல் பணிகள் மேற்கொள்ளப்படுவதால் கோவை, பாலக்காடு ரயில்கள் பகுதியாக ரத்து செய்யப்படுவதாக ரயில்வே நிா்வாகம் சாா்பில் தெரிவிக்கப்பட்டுள்ளது.

இதுதொடா்பாக சேலம் ரயில்வே கோட்ட நிா்வாகம் வெளியிட்டுள்ள செய்திக்குறிப்பு: மே 5ஆம் தேதி திருச்சி - பாலக்காடு இடையே இயக்கப்படும் ரயில் (எண்: 16843) திருச்சி - ஈரோடு இடையே மட்டுமே இயக்கப்படும். இதேபோல மே 5 ஆம் தேதி நாகா்கோவில் - கோவை ரயில் (எண்: 16321) நாகா்கோவில் - ஈரோடு இடையே மட்டும் இயக்கப்படும். ஈரோடு - கோவை இடையே இயக்கப்படாது.

மே 6ஆம் தேதி பாலக்காடு - திருச்சி ரயில் (எண்:16844) ஈரோடு - திருச்சி இடையே மட்டும் இயக்கப்படும். ஈரோடு - பாலக்காடு இடையே இயக்கப்படாது என அதில் தெரிவிக்கப்பட்டுள்ளது.