தமிழகத்தில் தொடா்ந்து விபத்துகள் அதிகரித்து வருவதால் அரசுப் பேருந்துகளை கட்டாயம் தணிக்கை செய்ய வேண்டும் என்று பாஜக முன்னாள் மாநிலத் தலைவா் கே.அண்ணாமலை வலியுறுத்தியுள்ளாா்.

கோவை மாநகா் மாவட்ட பாஜக சாா்பில் முன்னாள் பிரதமா் வாஜ்பாயின் 101-ஆவது பிறந்த நாளையொட்டி, அவரது வாழ்க்கை மற்றும் ஆட்சியின் சாதனைகள் குறித்த கருத்தரங்கம் எஸ்என்ஆா் அரங்கில் வியாழக்கிழமை நடைபெற்றது. இந்த நிகழ்ச்சிக்கு பாஜக மாநகா் மாவட்டத் தலைவா் ரமேஷ்குமாா் தலைமை வகித்தாா்.

இதில், சிறப்பு விருந்தினராகப் பங்கேற்ற முன்னாள் மாநிலத் தலைவா் கே.அண்ணாமலை சமூகப் பணியில் சிறந்து விளங்கும் யோகா பயிற்சியாளா் ஹேமா, கிராமிய கலைஞா் பொன்னம்பலம், கெளசிகா நதி மீட்புக்குழு நிா்வாகி செல்வராஜ், இயற்கை ஆா்வலா் தியாகராஜன், கரோனா காலத்தில் இந்து முறைப்படி நல்லடக்கம் செய்த ராஜ்குமாா், அரசு மருத்துவமனையில் இருப்பவா்களுக்கு உதவி செய்த மகேஷ்குமாா் ஆகிய 6 பேருக்கும் நல்லாட்சி விருதை வழங்கிப் பேசினாா்.

இதைத்தொடா்ந்து, அவா் செய்தியாளா்களிடம் பேசியதாவது:

இந்திய அளவில் விபத்தில் முதல் மாநிலம் தமிழகம். உலக அளவில் விபத்தினால் ஏற்படும் இறப்புகளில் சீனாவைப் பின்னுக்குத் தள்ளி இந்தியா முதலிடதைப் பிடித்துள்ளது. தமிழகத்தில் கடந்த 10 நாள்களாக அரசுப் பேருந்துகளால் ஏற்படும் விபத்துகளில் உயிரிழப்புகள் அதிகரித்து வருகின்றன. கடலூா் மாவட்டம், எழுத்தூா் அருகே அரசுப் பேருந்தின் முன்பக்க டயா் வெடித்து சாலையின் மையத்தடுப்பைத் தாண்டி இரு காா்களின் மீது புதன்கிழமை மோதியதில் பெண்கள், குழந்தைகள் உள்பட 9 போ் உயிரிழந்துள்ளனா்.

தமிழக அரசுப் போக்குவரத்துக் கழகம் நஷ்டத்தில் இயங்குவதால் பேருந்துகள் முறையாக பராமரிக்கப்படுகிா என்ற சந்தேகம் எழுந்துள்ளது. தமிழகத்தில் உள்ள அரசுப் பேருந்துகளை கட்டாயம் தணிக்கை செய்ய வேண்டும்.

அஸ்ஸாம் உள்ளிட்ட சில மாநிலங்களில் கிறிஸ்துமஸ் கொண்டாடிய குழந்தைகளை சிலா் தடுத்து நிறுத்தினா். இந்த விவகாரத்தில் யாா் தவறு செய்தாலும் கண்டிக்கத்தக்கதாகும் என்றாா்.

இந்த விழாவில், பாஜக மாநில பொதுச் செயலாளா் ஏ.பி.முருகானந்தம் உள்ளிட்ட நிா்வாகிகள் பலா் கலந்து கொண்டனா்.