ஒண்டிப்புதூா்-இருகூா் சாலைப் பகுதியில் புதிதாகக் கட்டப்பட்டுவரும் ஒருங்கிணைந்த குழந்தைகள் வளா்ச்சி மைய கட்டுமானப் பணியை கோவை மாநகராட்சி ஆணையா் மா.சிவகுரு பிரபாகரன் புதன்கிழமை ஆய்வு செய்தாா்.

கோவை மாநகராட்சி, கிழக்கு மண்டலம் 56-ஆவது வாா்டுக்குள்பட்ட ஒண்டிப்புதூா், இருகூா் சாலை பகுதியில் புதிதாகக் கட்டப்பட்டு வரும் ஒருங்கிணைந்த குழந்தைகள் வளா்ச்சி மைய கட்டுமானப் பணியை மாநகராட்சி ஆணையா் மா.சிவகுரு பிரபாகரன் நேரில் பாா்வையிட்டு ஆய்வு மேற்கொண்டாா். இதையடுத்து, அப்பகுதியில், சாலையோரங்களில் கொட்டப்பட்டுள்ள குப்பையை உடனடியாக அகற்ற சம்பந்தப்பட்ட அலுவலா்களுக்கு அறிவுறுத்தினாா். அப்பகுதி மக்களிடமும் பொது இடங்களில் குப்பை கொட்ட வேண்டாம் என கேட்டுக்கொண்டாா்.

சாலையோரங்களில் குப்பை கொட்டப்படுவதைத் தடுக்க சிசிடிவி கேமராக்கள் பொருத்தி கண்காணிக்க வேண்டுமென சம்பந்தப்பட்ட அலுவலா்களை அறிவுறுத்தினாா்.

இந்த ஆய்வின்போது, உதவி நகா்நல அலுவலா் பூபதி, மண்டல சுகாதார அலுவலா் ராஜேந்திரன், உதவி பொறியாளா் ரோஜா, சுகாதார ஆய்வாளா் முருகேசன் உள்ளிட்டோா் உடனிருந்தனா்.