பெருந்துறை புதிய பேருந்து நிலையம் அருகே உள்ள சோழீஸ்வரா் கோயிலில் விளக்கு பூஜை, அன்னதானம் ஞாயிற்றுக்கிழமை (டிசம்பா் 15) நடைபெறவுள்ளது.

சோழீஸ்வரா் ஆலயத்தில் உள்ள ஐயப்ப சுவாமி சன்னதியில் 57ஆவது ஆண்டாக இவ்விழா நடைபெறவுள்ளது. விழாவையொட்டி, காலை 5 மணிக்கு கணபதி ஹோமம், 9 மணிக்கு சஹஸ்ர நாம ஹோமம், 10 மணிக்கு 108 சங்காபிஷேகம், 11 மணிக்கு விளக்கு பூஜை, 12.30 மணிக்கு அன்னதானம், 2.30 மணிக்கு தாயம்பகை, மாலை 5 மணிக்கு மஹா தீபாராதனை, 5.30 மணிக்கு சுவாமி திருவீதி உலா, இரவு 8.30 மணிக்கு திரிஉழிச்சல் நிகழ்ச்சியும் நடைபெறவுள்ளது.

விழாவுக்கான ஏற்பாடுகளை பெருந்துறை ஸ்ரீ ஐயப்ப பூஜா குழுவினா், சோழீஸ்வரா் கோயில் அலுவலா்கள் செய்துள்ளனா்.