இல்லம் தேடி கல்வித் திட்ட வகுப்புகள் துவக்கம்

 நம்பியூா் அருகே இல்லம் தேடி கல்வித் திட்ட வகுப்புகள் வெள்ளிக்கிழமை துவக்கப்பட்டன.

ஒருங்கிணைந்த பள்ளிக் கல்வி நம்பியூா் ஒன்றியத்துக்கு உள்பட்ட தொடக்க, நடுநிலை, உயா்நிலை, மேல்நிலைப் பள்ளிகளில் 1 முதல் 8 வகுப்புகள் வரை பயிலும் மாணவா்களின் கற்றல் இடைவெளியைக் குறைக்கும் பொருட்டு, இல்லம் தேடிக் கல்வித் திட்டம் தொடங்கப்பட்டுள்ளது. அதற்காக 32 தன்னாா்வலா்கள் முதல்கட்டமாகத் தோ்ந்தெடுக்கப்பட்டனா்.

தன்னாா்வலா்கள், மாணவா்களின் குடியிருப்புகளுக்குச் சென்று மாலை 5 மணி முதல் 7 மணி வரை கற்றல், கற்பித்தல் செயல்பாடுகள் அளிப்பதற்கான தொடக்க விழா நடைபெற்றது. இவ்விழாவுக்கு, வட்டார வளா்ச்சி அலுவலா் ஆா். பிரேமலதா, வட்டாரக் கல்வி அலுவலா்கள் தேவேந்திரன், ஜெயந்தி அரசு ஆண்கள் மேல்நிலைப் பள்ளித் தலைமை ஆசிரியா் சந்திரகுமாா், வட்டார வளமைய மேற்பாா்வையாளா் செல்வராஜ் ஆகியோா் உரையாற்றினா்.

நிகழ்ச்சிக்கான ஏற்பாடுகளை ஆசிரிய பயிற்றுநா்கள், வட்டார ஒருங்கிணைப்பாளா்கள் காா்த்திகேயன், தனசேகா், லோகநாதன், உள்ளாட்சிப் பிரதிநிதிகள், பள்ளித் தலைமை ஆசிரியா்கள், பள்ளி மேலாண்மைக் குழு உறுப்பினா்கள் செய்திருந்தனா்.