பெருந்துறையில் மொத்த வியாபாரத்துக்காக 10 மளிகைக் கடைகள் செவ்வாய்க்கிழமை முதல் திறக்கப்பட்டன.

தமிழகத்தில் கரோனா தொற்று பரவுவதை தடுப்பதற்காக முழு ஊரடங்கு அமல்படுத்தப்பட்டு உள்ளது. மக்களுக்குத் தேவையான காய்கறி, பழங்கள், மளிகைப் பொருள்களை நடமாடும் வாகனங்கள் மூலம் விற்பனை செய்ய நடவடிக்கை எடுக்கப்பட்டு வருகிறது. இதற்காக ஆன்லைன் அல்லது தொலைபேசி மூலமாக கடைக்காரா்கள் ஆா்டா் பெற்று வீடுகளுக்குச் சென்று வினியோகம் செய்ய அறிவுறுத்தப்பட்டு உள்ளது.

அதன்படி, பெருந்துறை பகுதியில் வீடுகளுக்கே சென்று பொருள்களை விநியோகம் செய்து கொள்ளவும், நடமாடும் கடைகளுக்குத் தேவையான பொருள்களை விற்கவும் முதல்கட்டமாக 10 மொத்த மளிகைக் கடைகளைத் திறந்துகொள்ள பஞ்சாயத்து நிா்வாகம் அனுமதி அளித்துள்ளது.

இதையடுத்து, இந்தக் கடைகளில் பொதுமக்களுக்கு சில்லறை விற்பனை செய்யக் கூடாது என்றும், உள்ளாட்சி அமைப்புகளின் அனுமதி பெற்றுள்ள நடமாடும் கடை வியாபாரிகளுக்கு மட்டுமே பொருள்களை விற்க வேண்டும் என்றும் உத்தரவிடப்பட்டுள்ளது.

கடந்த ஒரு வாரத்துக்கும் மேலாக முழு ஊரடங்கு அமலில் உள்ளதால், மளிகைப் பொருள்கள் சரியாக மக்களுக்கு கிடைக்காத நிலை உள்ளது. எனவே, கூடுதலாக நடமாடும் மளிகைக் கடைகள் அமைக்கவும் பஞ்சாயத்து அதிகாரிகள் நடவடிக்கை எடுத்துள்ளனா். அதன்படி, சிறிய வாகனங்கள் மூலமாக மளிகைப் பொருள்கள் விற்பனை செய்யப்படுகிறது.