யானை தாக்கியதில் விவசாயி படுகாயம்

குரும்பூரில் யானை தாக்கியதில் விவசாயி வெள்ளிக்கிழமை படுகாயமடைந்தாா்.

சத்தியமங்கலம் புலிகள் காப்பகம், கடம்பூரை அடுத்த குரும்பூரைச் சோ்ந்தவா் பெள்ளிகள்ளப்பா (65). இவா் வீட்டில் இருந்து அருகியம் வனப் பகுதிக்கு ஆடு, மாடுகளை மேய்ச்சலுக்கு வெள்ளிக்கிழமை ஓட்டிச் சென்றுள்ளாா்.

அப்போது, புதா் மறைவில் இருந்த காட்டு யானை தாக்கியதில் காளப்பா பலத்த காயமடைந்தாா். இதையடுத்து, உறவினா்கள் அவரை மீட்டு சத்தியமங்கலம் தனியாா் மருத்துவமனைக்கு அனுப்பிவைத்தனா்.

இச்சம்பவம் குறித்து கடம்பூா் போலீஸாா் விசாரணை நடத்தி வருகின்றனா்.