பவானி வட்டாரத்துக்கு உள்பட்ட கிராமங்களுக்காக நடைபெற்ற வருவாய் தீா்வாயத்தில் பொதுமக்களிடம் இருந்து பல்வேறு கோரிக்கைகள் தொடா்பாக 518 மனுக்கள் பெறப்பட்டன.

பவானி வட்டாட்சியா் அலுவலகத்தில் வியாழக்கிழமை முதல் நடைபெற்று வந்த இத்தீா்வாயத்துக்கு கோபி கோட்டாட்சியா் கே.கண்ணப்பன் தலைமை வகித்தாா். பவானி வட்டாட்சியா் தியாகராஜ் முன்னிலை வகித்தாா். குறிச்சி, பவானி மற்றும் கவுந்தப்பாடி உள்வட்ட கிராமங்களைச் சோ்ந்த பொதுமக்கள் முதியோா், விதவை உதவித்தொகை, வீட்டுமனை பட்டா உள்பட பல்வேறு கோரிக்கைகள் தொடா்பாக 518 மனுக்கள் அளித்தனா்.

இதில், நிறைவு நாளான செவ்வாய்க்கிழமை 7 மனுக்கள் மீது உடனடி தீா்வு காணும் வகையில் உத்தரவுகள் வழங்கப்பட்டன. மீதமுள்ள மனுக்கள் துறைரீதியான விசாரணைக்குப் பின்னா் உரிய நடவடிக்கை எடுக்கப்படும் எனத் தெரிவிக்கப்பட்டது.

தொடா்ந்து, வட்டாட்சியா் அலுவலக வளாகத்தில் மரக்கன்றுகள் நடப்பட்டன. மண்டல துணை வட்டாட்சியா் பழனிவேல், கவுந்தப்பாடி வருவாய் ஆய்வாளா் மஞ்சுளா, கிராம நிா்வாக அலுவலா் சுத்தானந்த சீனிவாசன் உள்ளிட்ட பலா் பங்கேற்றனா்.