உதகை: தில்லியில் தொடா் போராட்டம் நடத்திவரும் விவசாயிகளுக்கு ஆதரவாக உதகையில் திமுக, கம்யூனிஸ்ட் கட்சிகளின் சாா்பில் ஆா்ப்பாட்டம், முற்றுகைப் போராட்டம் நடைபெற்றது.

நீலகிரி மாவட்டத்தில் விவசாயிகளுக்கு ஆதரவாக திமுக சாா்பில் உதகை சுதந்திர தின சதுக்கத்தில் நடைபெற்ற கருப்புக் கொடி ஆா்ப்பாட்டத்த்தில், கட்சியின் துணைப் பொதுச் செயலாளா் ஆ.ராசா தலைமை வகித்துப் பேசியதாவது:

வேளாண் சட்டங்களால் வட மாநில விவசாயிகளுக்கு மட்டுமின்றி தமிழக விவசாயிகளுக்கும் பெரும் பாதிப்பு ஏற்படும். இனிமேல் தமிழகத்தில் கொள்முதல் நிலையங்கள், மண்டி போன்றவை செயலற்றுப் போய்விடுவதோடு, காா்ப்ரேட் நிறுவனங்களின் ஆதிக்கத்தால் விளைபொருள்கள் பதுக்கப்பட்டு விலையும் கடுமையாக உயரும் அபாயமுள்ளது. இதையெல்லாம் தமிழக முதல்வா் மறைக்கிறாா்.

தொடா்ந்து, செய்தியாளா்களிடம் பேசுகையில், 2ஜி அலைக்கற்றை ஊழல் குற்றச்சாட்டு தொடா்பாக தன்னுடன் நேரடியாக விவாதிக்க வர விடுத்த அறைகூவலை முதல்வா் எடப்பாடி பழனிசாமி இன்னமும் ஏற்றுக் கொள்ளாதது ஏன் என தேள்வி எழுப்பினாா். ஆா்ப்பாட்டத்தில், திமுக மாவட்டச் செயலாளா் பா.மு.முபாரக், துணைச் செயலாளா் ஜே.ரவிகுமாா், உதகை நகரச் செயலாளா் ஜாா்ஜ், கூடலூா் சட்டப் பேரவை உறுப்பினா் திராவிடமணி, முன்னாள் அமைச்சா் ராமசந்திரன் உள்ளிட்டோா் பங்கேற்றனா்.

அதேபோல, மாா்க்சிஸ்ட் கம்யூனிஸ்ட், இந்திய க ம்யூனிஸ்ட் கட்சிகளின் சாா்பில் விவசாயிகளுக்கு ஆதரவாக உதகை ரயில் நிலையத்தை முற்றுகையிடும் போராட்டம் நடைபெற்றது. மாா்க்சிஸ்ட் கம்யூனிஸ்ட் கட்சியின் இடை கமிட்டி செயலாளா் சங்கரலிங்கம் தலைமையில் நடைபெற்ற இந்த மறியல் போராட்டத்தில், மாநிலக் குழு உ றுப்பினா் பத்ரி, இந்திய கம்யூனிஸ்ட் கட்சியின் ஒருங்கிணைப்பாளா் ஜெயகுமாா், மக்கள் அதிகாரம் அமைப்பின் நிா்வாகி ஆனந்தன் உள்ளிட்டோா் பங்கேற்றனா்.

மறியல் போராட்டத்தின்போது பிரதமா் நரேந்திர மோடியின் உருவ பொம்மையும் எரிக்கப்பட்டது. இதுதொடா்பாக 28 பெண்கள் உள்பட 88 போ் கைது செய்யப்பட்டனா்.