உதகை - மேட்டுப்பாளையம் இடையேயான மலை ரயில் அக்டோபா் 8ஆம் தேதி (வெள்ளிக்கிழமை) இயங்காது என அறிவிக்கப்பட்டுள்ளது.

இதுதொடா்பாக தென்னக ரயில்வேயின் சேலம் கோட்டத்தின் சாா்பில் வெளியிடப்பட்டுள்ள செய்திக் குறிப்பில் கூறியிருப்பதாவது:

உதகை - மேட்டுப்பாளையம் இடையேயான மலை ரயில் பாதையில் மேற்கொள்ளப்படவுள்ள பராமரிப்புப பணிகளின் காரணமாக மேட்டுப்பாளையத்தில் இருந்து காலை 7.10 மணிக்கு புறப்பட்டு உதகைக்கு பகல் 11.55 மணிக்கு வரும் மலை ரயில் சேவையும், உதகையில் இருந்து பிற்பகல் 2 மணிக்கு புறப்பட்டு மாலை 5.30 மணிக்கு மேட்டுப்பாளையம் சென்றடையும் மலை ரயில் சேவையும் வெள்ளிக்கிழமை ரத்து செய்யப்படுகிறது.

இருப்பினும் உதகை - குன்னூா் இடையேயான மலை ரயில் சேவை வழக்கம்போல தொடா்ந்து செயல்படும் எனத் தெரிவிக்கப்பட்டுள்ளது.