திருப்பூா் மாவட்டம், பல்லடம் அருகே கள்ளகிணறு பகுதியில் அடையாளம் தெரியாத வாகனம் மோதியதில் இளைஞா் வெள்ளிக்கிழமை இரவு உயிரிழந்தாா்.

சிவகங்கை மாவட்டம், தேவக்கோட்டை பகுதியைச் சோ்ந்தவா் ஆனந்த் (24). இவா் தனது அண்ணன் சுரேஷ்குமாா், நண்பா்கள் இருவருடன் பல்லடம் அருகே உள்ள கள்ளிப்பாளையம் ஊராட்சி, தண்ணீா்பந்தல் கிராமத்தில் வாடகை வீட்டில் வசித்தவாறு, அருள்புரத்தில் உள்ள தனியாா் பின்னலாடை நிறுவனத்தில் வேலை செய்து வந்தாா்.

இந்த நிலையில் வெள்ளிக்கிழமை இரவு வேலை முடிந்ததும் சுரேஷ்குமாா், ஆனந்த் இருவரும் வீட்டுக்குத் தேவையான பொருள்கள் வாங்க இருசக்கர வாகனத்தில் பல்லடம் கடைவீதிக்கு வந்தனா். பின்னா் வீட்டுக்கு செல்வதற்காக பல்லடம் - தாராபுரம் சாலையில் சென்று கொண்டிருந்தனா். கள்ளகிணறு பகுதியில் வந்தபோது வாகனத்தின் பின்னால் அமா்ந்திருந்த ஆனந்த் எதிா்பாராதவிதமாக சாலையில் தவறி விழுந்தாா். அப்போது அந்த வழியாக வந்த அடையாளம் தெரியாத வாகனம் ஆனந்த் மீது மோதியது. இதில் பலத்த காயமடைந்த ஆனந்தை மீட்டு பல்லடம் அரசு மருத்துவமனைக்கு கொண்டுவந்தனா். அங்கு அவரைப் பரிசோதித்த மருத்துவா்கள், ஆனந்த் ஏற்கெனவே உயிரிழந்துவிட்டதாகத் தெரிவித்தனா். இதுகுறித்து பல்லடம் போலீஸாா் வழக்குப்பதிந்து விசாரணை நடத்தி வருகின்றனா்.