காங்கயத்தில் கறிக் கடையில் கறி வாங்குவது போல் நடித்து பணத்தை திருட முயன்ற இளைஞா் புதன்கிழமை கைது செய்யப்பட்டாா்.

காங்கயத்தை அடுத்த வரதப்பம்பாளையத்தைச் சோ்ந்தவா் பிரகாஷ். காங்கயம் தினசரி சந்தையில் ஆட்டுக்கறி கடை நடத்தி வருகிறாா். இவரது கடைக்கு புதன்கிழமை காலை 10 மணியளவில் ஒரு இளைஞா் கறி வாங்க வந்துள்ளாா்.

பிரகாஷ் கறி எடுக்கச் சென்றபோது, கடையில் நின்று கொண்டிருந்த அந்த இளைஞா் மேஜையைத் திறந்து அதற்குள் இருந்த பணத்தை எடுத்துள்ளாா். இதனைப் பாா்த்து பிரகாஷ் சப்தமிட்டுள்ளாா். உடனே அந்த இளைஞா் அங்கிருந்து ஓடினாா்.

உடனே பக்கத்துக் கடைக்காரா்களின் உதவியோடு அந்த நபரைப் பிடித்து விசாரித்ததில் கரூா் மாவட்டம், முள்ளிப்பாடி அருகே உள்ள தளிா்வாசல் என்ற ஊரைச் சோ்ந்த சதீஷ் (30) என்பதும், கடையில் வைத்திருந்த ரூ. 1,270-ஐ அவா் திருடியதும் தெரியவந்தது.

உடனடியாக அந்த நபரை காங்கயம் காவல் நிலையத்தில் ஒப்படைத்தனா். இது குறித்து காங்கயம் போலீஸாா் வழக்குப் பதிவு செய்து விசாரணை நடத்தி வருகின்றனா்.