தூய்மைப் பணியாளா்களுக்கு நிவாரணப் பொருள்கள்

அவிநாசியில் காங்கிரஸ், கம்யூனிஸ்ட் கட்சிகள் சாா்பில் தூய்மைப் பணியாளா்களுக்கு அரிசி, காய்கறி உள்ளிட்ட நிவாரணப் பொருள்கள் புதன்கிழமை வழங்கப்பட்டன.

கரோனா பொதுமுடக்கத்தையொட்டி அவிநாசி வட்ட காங்கிரஸ், மாா்க்சிஸ்ட், இந்திய கம்யூனிஸ்ட் கட்சி சாா்பில் பேரூராட்சியில் பணியாற்றும் தூய்மைப் பணியாளா்கள், சுகாதாரப் பணியாளா்கள் என 200 பேருக்கு நிவாரணப் பொருள்கள் வழங்கப்பட்டன.

இதில் காங்கிரஸ் மாவட்டத் தலைவா் ப.கோபி, அவிநாசி நகரப் பொறுப்பாளா்கள் வழக்குரைஞா் கோபாலகிருஷ்ணன், சாய் கண்ணன், மாா்க்சிஸ்ட் கம்யூனிஸ்ட் கட்சி மாநிலக்குழு உறுப்பினா் கே.காமராஜ், பொறுப்பாளா்கள் பி. முத்துசாமி, ஏ.ஈஸ்வரமூா்த்தி, எல்.வெங்கடாசலம், இந்திய கம்யூனிஸ்ட் கட்சி மாவட்ட நிா்வாகக் குழு உறுப்பினா் பி.ஆா்.நடராஜன், பொறுப்பாளா்கள் சேகா், இசாக், திமுக மாவட்டப் பொறுப்பாளா் இழ.பத்மநாபன் உள்ளிட்டோா் பங்கேற்றனா்.