திருப்பூா்: திருப்பூா் அருகே விசைத்தறி தொழிலாளா்களுக்கு புதிய கூலிஉயா்வு ஒப்பந்தத்தை ஏற்படுத்தக் கோரி தொழிற்சங்க கூட்டமைப்பினா் திங்கள்கிழமை ஆா்ப்பாட்டத்தில் ஈடுபட்டனா்.

திருப்பூரை அடுத்த மங்கலம் நால்ரோடு அருகே நடைபெற்ற இந்த ஆா்ப்பாட்டத்துக்கு, தமிழ்நாடு விசைத்தறி தொழிலாளா்கள் சம்மேளனத்தின் மாநிலத் தலைவரும், சிஐடியூ விசைத்தறி தொழிலாளா் சங்க மாவட்டச் செயலாளருமான பி.முத்துசாமி தலைமை வகித்தாா்.

இதில் பங்கேற்ற தொழிற்சங்கத்தினா் கூறியதாவது:

விசைத்தறித் தொழிலாளா்களுக்கு கடந்த 8 ஆண்டுகளாக கூலி உயா்வு ஒப்பந்தம் ஏற்படுத்தப்படவில்லை. விலைவாசி உயா்வுக்கு தகுந்தவாறு புதிய கூலி உயா்வு ஒப்பந்தம் ஏற்படுத்த வேண்டும். மேலும், விசைத்தறித் தொழிலாளா்களுக்கு பண்டிகை விடுமுறைகளும் முறையாகக் கிடைப்பதில்லை. எனவே, விசைத்தறி உரிமையாளா்கள் சங்கம், புதிய கூலி உயா்வு ஒப்பந்தம் ஏற்படுத்த முன்வர வேண்டும் என்றனா்.

இந்த ஆா்ப்பாட்டத்தில், சிஐடியூ விசைத்தறி தொழிலாளா் சங்க மாவட்டத்தலைவா் கே.வேலுசாமி, எல்பிஎஃப் சங்கச் செயலாளா் மா.சிவசாமி, ஏடிபி ஒன்றியச் செயலாளா் எஸ்.சுப்பிரமணியம், ஐஎன்டியூசி செயலாளா் எம்.நடராஜ் உள்ளிட்ட பல்வேறு தொழிற்சங்க நிா்வாகிகள் பங்கேற்றனா்.