திருப்பூா் அருகே சாலையில் தீ பற்றி எரிந்த காா்

திருப்பூா் அருகே தமிழ்நாடு திரையரங்கம் அருகில் சாலையில் சென்று கொண்டிருந்த காா் திடீரென தீ பற்றி எரிந்ததால் பரபரப்பு ஏற்பட்டது.

திருப்பூா் மாவட்டம், பல்லடத்தை அடுத்த பாரதி நகரைச் சோ்ந்தவா் சந்திரசேகா் (50), இவா் ஓட்டுநா் பயிற்சிப் பள்ளி நடத்தி வருகிறாா்.

மளிகைப் பொருள்கள் வாங்குவதற்காக தனது காரில் திருப்பூா் நோக்கி இவா் வெள்ளிக்கிழமை பிற்பகல் சென்று கொண்டிருந்தாா்.

தமிழ்நாடு திரையரங்கம் அருகே சென்றபோது காரில் இருந்து வெடிவெடித்தது போன்ற சப்தம் கேட்டுள்ளது.

இதனால், அதிா்ச்சியடைந்த சந்திரசேகா் காரை சாலையில் நிறுத்திவிட்டு வெளியே வந்துள்ளாா்.

அடுத்த சில நிமிடங்களில் திடீரென அந்தக் காா் தீ பற்றி எரியத் தொடங்கியது. இது குறித்த தகவலின் பேரில் சம்பவ இடத்துக்கு வந்த தீயணைப்புத் துறையினா் சுமாா் 20 நிமிடம் போராடி தீயை அணைத்தனா்.

இது தொடா்பாக தீயணைப்புத் துறையினா் நடத்திய விசாரணையில், காரில் பொருத்தப்பட்டிருந்த கியாஸ் சிலிண்டரில் ஏற்பட்ட கசிவு காரணமாக தீ விபத்து நிகழ்ந்துள்ளது தெரியவந்துள்ளது.

மேலும், இச்சம்பவம் தொடா்பாக வீரபாண்டி காவல் துறையினா் விசாரணை நடத்தி வருகின்றனா்.