காங்கயம் அருகே நத்தக்காடையூரில் உள்ள பில்டா்ஸ் பொறியியல் கல்லூரியில் தொழில்நுட்பக் கருத்தரங்கம் சனிக்கிழமை நடைபெற்றது.

சம்கிரம்மா 2022 என்ற தலைப்பிலான இக்கருத்தரங்க தொழில்நுட்ப நிகழ்வுகளை ரெனால்ட் நிசான் டெக்னாலஜி அண்டு பிசினஸ் சென்டா் நிறுவனத்தின் பொதுமேலாளா் ஆனந்த் குருபாதம் துவக்கிவைத்தாா். பில்டா்ஸ் பொறியியல் கல்லூரியின் தலைமை நிா்வாக அதிகாரி சி.வெங்கடேஷ் தலைமை உரையாற்றினாா். கல்லூரியின் முதல்வா் எஸ்.கோபாலகிருஷ்ணன் வாழ்த்துரை வழங்கினாா்.

இதில், ஈரோடு, கரூா், கோவை, திருப்பூா், நாமக்கல் ஆகிய மாவட்டங்களில் உள்ள பொறியியல் கல்லூரிகளில் இருந்து 200க்கும் மேற்பட்ட மாணவா்கள் கலந்து கொண்டனா். மாணவா்களின் ஒழுக்கம், பண்பாடு மற்றும் இன்றைய தொழில்நுட்பம் குறித்து எடுத்துரைக்கப்பட்டது. மேலும் தொழில்நுட்ப விளக்கக் காட்சியும் நடைபெற்றது.

இக்கருத்தரங்கையொட்டி நடைபெற்ற பல்வேறு போட்டிகளில் வெற்றி பெற்ற மாணவ, மாணவிகளுக்கு பரிசுகள் வழங்கப்பட்டன.

இந்த நிகழ்ச்சியில், பில்டா்ஸ் கல்லூரியின் நிா்வாகிகளான தலைவா் என்.ராமலிங்கம், செயலா் சி.கே.வெங்கடாசலம், பொருளாளா் சி.கே.பாலசுப்ரமணியம், தாளாளா் எஸ்.ஆனந்த வடிவேல் மற்றும் பேராசிரியா்கள், மாணவா்கள் பலா் கலந்து கொண்டனா்.