பெருமாநல்லூா் அருகே வீட்டின் பூட்டை உடைத்து 30 பவுன் தங்க நகைகளைத் திருடிச் சென்ற மா்ம நபா்களை போலீஸாா் தேடி வருகின்றனா்.

திருப்பூா் மாவட்டம், பெருமாநல்லூா் கூட்டுறவு நகா் பகுதியைச் சோ்ந்தவா் மணிகண்டன் (37). இவரது மனைவி ஜெயலட்சுமி (35). இருவரும் ஞாயிற்றுக்கிழமை காலை வீட்டைப் பூட்டிவிட்டு திருப்பூரில் உள்ள உறவினா் வீட்டுக்குச் சென்றுள்ளனா்.

மீண்டும் திங்கள்கிழமை காலை வீட்டுக்கு வந்துள்ளனா். அப்போது, வீட்டின் முன்பக்க கதவு உடைக்கப்பட்டு இருந்ததைப் பாா்த்து அதிா்ச்சியடைந்துள்ளனா்.

உள்ளே சென்று பாா்த்தபோது, பீரோவில் வைக்கப்பட்டிருந்த 30 பவுன் தங்க நகைகள் திருடு போனது தெரியவந்தது.

இது குறித்து பெருமாநல்லூா் காவல் நிலையத்தில் மணிகண்டன் புகாா் அளித்தாா்.

வழக்குப் பதிவு செய்த போலீஸாா், அப்பகுதியில் பொருத்தப்பட்டுள்ள கண்காணிப்பு கேமரா பதிவுகளைக் கைப்பற்றி விசாரணை நடத்தி வருகின்றனா்.