10-ஆம் வகுப்பு பொதுத் தேர்வில் கம்பைநல்லூர் ஸ்ரீ ராம் மெட்ரிக் மேல்நிலைப் பள்ளி மாணவர்கள் நூறு சதம் தேர்ச்சி பெற்றுள்ளனர்.
 இந்தப் பள்ளி மாணவர் 500-க்கு 496 மதிப்பெண்களை பெற்று சிறப்பிடம் பெற்றுள்ளார். மாணவி ஒருவர் 492 மதிப்பெண்களும், ஒரு மாணவர் 490 மதிப்பெண்களையும் பெற்றுள்ளார். மேலும், 14 மாணவ, மாணவியர்கள் 480-க்கும் அதிகமான மதிப்பெண்களையும் பெற்றுள்ளனர். 10-ஆம் வகுப்பு பொதுத்தேர்வில் சிறப்பிடம் பெற்றுள்ள மாணவ, மாணவியர்களை அந்தப் பள்ளியின் தாளாளர் எம்.வேடியப்பன், நிர்வாக இயக்குநர் வே.தமிழ்மணி மற்றும் ஆசிரியர்கள் பாராட்டினர்.