தருமபுரியில் அங்காள பரமேஸ்வரி அம்மன் கோயிலில் தீ மிதித் திருவிழா திங்கள்கிழமை நடைபெற்றது.
குமாரசாமிப்பேட்டையிலுள்ள அருள்மிகு அங்காள பரமேஸ்வரி அம்மன் திருக்கோயிலில் மயானக் கொள்ளைத் திருவிழா ஞாயிற்றுக்கிழமை கொடியேற்றுத்துடன் தொடங்கியது. வருகிற பிப்.17-ஆம் தேதி வரை இவ்விழா தொடர்ந்து நடைபெற உள்ளது.
விழாவில் இரண்டாம் நாளான பிப்.12 ஆம் தேதி காலை அம்மனுக்கு சக்தி கரகம் ஏந்தி சிறப்புப் பூஜைகள் செய்யப்பட்டன. இதையடுத்து தீ மிதி திருவிழா நடைபெற்றது. இதில், குழந்தைகள், பெண்கள், முதியோர் என ஏராளமான பக்தர்கள் கலந்து கொண்டு தீ மிதித்து நேர்த்திக் கடன்  செலுத்தினர். இவ்விழாவில் செவ்வாய்க்கிழமை அம்மனுக்கு பொங்கல் வைத்து வழிபடுகின்றனர்.