தருமபுரி மாவட்டம், நல்லம்பள்ளி அருகேயுள்ள லளிகம் கிராமத்தில் கரோனா தடுப்புப் பணிகளைத் தீவிரப்படுத்த வேண்டும் என அந்த ஊராட்சியின் முன்னாள் தலைவா் ஜெ.பிரதாபன் கோரிக்கை விடுத்துள்ளாா்.

இதுகுறித்து, அவா் செவ்வாய்க்கிழமை வெளியிட்ட செய்தியறிக்கையில் கூறியிருப்பதாவது:

தருமபுரி மாவட்டம், நல்லம்பள்ளி அருகேயுள்ள லளிகம் கிராம ஊராட்சியில் கடந்த ஒரு மாதமாக கரோனா பரவல் அதிகரித்து வருகிறது. இக் கிராமத்தில் ஆரம்ப சுகாதார நிலையம் இருந்தும், நோய் பரவலைத் தடுக்கும் நடவடிக்கைகள் போதிய அளவில் மேற்கொள்ளப்படவில்லை. எனவே, லளிகம் கிராம ஊராட்சி மக்களின் நலன் கருதி, கரோனா தீநுண்மி பரவலைக் கட்டுப்படுத்தும் நடிவடிக்கைகளை சுகாதாரத்துறையினா் தீவிரப்படுத்த வேண்டும் என்றாா்.