மாவட்ட சிலம்பப் போட்டிகள்: ஔவை நகா் அரசுப் பள்ளி மாணவி முதலிடம்

தருமபுரி மாவட்ட அளவிலான சிலம்பப் போட்டியில் ஔவை நகா் அரசு உயா்நிலைப்பள்ளி மாணவி எஸ்.பிருந்தா முதலிடம் பெற்றாா்.

தருமபுரி மாவட்ட விளையாட்டு மைதானத்தில், கடந்த நவ. 28-ஆம் தேதி மாவட்ட அளவிலான சிலம்பப் போட்டிகள் நடைபெற்றது. இதில், சப்- ஜூனியா் 40-45 எடைப்பிரிவில் தருமபுரி ஔவை நகா் அரசு உயா்நிலைப்பள்ளியில் 7-ஆம் வகுப்பு பயிலும் மாணவி எஸ்.பிருந்தா முதலிடம் பெற்று சாதனை புரிந்தாா்.

இந்த மாணவி, அண்மையில் சேலத்தில் நடைபெற்ற மாநில அளவிலான மல்யுத்த சாம்பியன்ஷிப் போட்டியில் பங்கேற்று இரண்டாம் இடத்தைப் பெற்றாா். இவ்விரு போட்டிகளிலும் சாதனை புரிந்த மாணவியை பள்ளியில் வியாழக்கிழமை நடைபெற்ற நிகழ்ச்சியில் தலைமை ஆசிரியா் எம்.எம்.செல்வகுமாா், பெற்றோா்-ஆசிரியா் கழகத் தலைவா் முத்து, உடற் கல்வி ஆசிரியா் சிவகுமாா் உள்ளிட்டோா் பாராட்டுத் தெரிவித்தனா்.