கிருஷ்ணகிரி நகர திமுக சார்பில், கிருஷ்ணகிரியில் முன்னாள் திமுக தலைவர் மறைந்த மு.கருணாநிதிக்கு வெண்கல சிலை வைப்பது என தீர்மானிக்கப்பட்டது.
கிருஷ்ணகிரியில் நகர திமுக சார்பில் செயற்குழுக் கூட்டம் அண்மையில் நடைபெற்றது. கிருஷ்ணகிரி திமுக நகரச் செயலர் எஸ்.கே.நவாப் தலைமையில் நடைபெற்ற இந்தக் கூட்டத்தில், கிருஷ்ணகிரி வட்டச் சாலையில் ரூ.50 லட்சத்தில் மு.கருணாநிதிக்கு 8 அடி உயர பீடத்தில் வெண்கல சிலை அமைப்பது, கிருஷ்ணகிரி நகராட்சிக்குள்பட்ட பகுதியில் உள்ள வாக்காளர்களை வாக்காளர் பட்டியலில் சேர்ப்பது, கிருஷ்ணகிரி நகராட்சியில் பொதுமக்களின் அடிப்படைத் தேவைகள், பராமரிக்கப்படாமல் இருக்கும் நகராட்சி நிர்வாகத்தைக் கண்டிப்பது என்பன உள்ளிட்ட பல்வேறு தீர்மானங்கள் நிறைவேற்றப்பட்டன.