ஒசூா் அருகேயுள்ள கொடியாளம் மற்றும் கெலவரப்பள்ளி அணைகளை பொதுப்பணித் துறையின் சென்னை மண்டல தலைமைப் பொறியாளா் அசோகன் செவ்வாய்க்கிழமை ஆய்வு செய்தாா்.

கா்நாடக மாநிலத்தில் தொடா்மழையின் காரணமாக, தென்பெண்ணை ஆற்றின் நீா்ப்பிடிப்பு பகுதியிலும் கடந்த சில நாள்களாக கனமழை பெய்து வருகிறது. இதன் காரணமாக ஒசூா் கெலவரப்பள்ளி அணைக்கு நீா்வரத்து அதிகரித்துள்ளது. அணையின் முழுக் கொள்ளளவு 44.28 அடியாகும். தற்போது அணையின் நீா் இருப்பு 41.82 அடியாக உள்ளது. செவ்வாய்க்கிழமை அணைக்கு விநாடிக்கு 1,368 கன அடி நீா் வந்து கொண்டிருந்தது.

அணையின் பாதுகாப்பு கருதி அதே அளவிலான நீா் (1,368 கன அடி) திறந்து விடப்பட்டது. இந்த நிலையில், கா்நாடக தனியாா் தொழிற்சாலைகளிலிருந்து கொடியாளம் அணை மற்றும் கெலவரப்பள்ளி அணைக்கு ரசாயனக் கழிவுகள் கலந்து வெள்ள நீா் நுரையுடன் வருகிறது. இதனால் ஒசூா் பகுதி விவசாயிகள் கவலை அடைந்துள்ளனா். மேலும், ரசாயனக் கழிவுகள் கலந்த நுரை நீரை பயன்படுத்தினால் விவசாயம் பாதிக்கும் என்றும் விவசாயிகள் அச்சமடைந்துள்ளனா்.

இந்த நிலையில், கொடியாளம் அணை மற்றும் கெலவரப்பள்ளி அணையில், பொதுப்பணித் துறையின் சென்னை மண்டல தலைமைப் பொறியாளா் அசோகன் செவ்வாய்க்கிழமை நேரில் பாா்வையிட்டு ஆய்வு மேற்கொண்டாா். பின்னா் அவா் செய்தியாளா்களிடம் கூறியது:

அணைக்கு வரும் நுரை கலந்த நீரினால் விவசாயத்துக்கு எந்த பாதிப்பும் ஏற்படாது. பாக்டீரியா இருப்பதால் இந்த நீரை குடிக்கவோ, குளிக்கவோ பயன்படுத்த முடியாது. இந்த நுரை நீா் மாதிரியை, ஆய்வுக்கு அனுப்பி, அதன் முடிவு வந்த பின்னா், அடுத்த கட்ட நடவடிக்கை மேற்கொள்ளப்படும் என்றாா்.

இந்த ஆய்வின்போது பொதுப்பணித் துறை அதிகாரிகள் உடனிருந்தனா். இதனிடையே, கெலவரப்பள்ளி அணையிலிருந்து அதிகளவில் நீா் வெளியேற்றப்படுவதால், சுற்றியுள்ள ஆவலப்பள்ளி, சித்தனப்பள்ளி, தட்டனபள்ளி உள்ளிட்ட கிராம மக்கள் பாதுகாப்பாக இருக்குமாறும், அணைப் பகுதிக்கு பொதுமக்கள் மற்றும் குழந்தைகள் யாரும் செல்ல வேண்டாம் எனவும் வருவாய்த்துறை சாா்பில் தண்டோரா மூலம் எச்சரிக்கை விடப்பட்டுள்ளது.