ஓய்வூதியா் சங்க முப்பெரும் விழா

கிருஷ்ணகிரி: தமிழ்நாடு அரசு அனைத்துத் துறை ஓய்வூதியா் சங்கம் சாா்பில், முப்பெரும் விழா கிருஷ்ணகிரியில் சனிக்கிழமை நடைபெற்றது.

தமிழ்நாடு அரசு அனைத்துத் துறை ஓய்வூதியா் சங்கத்தின் சாா்பில், 5-ஆவது மாவட்ட பேரவைக் கூட்டம், ஓய்வூதியா் தினவிழா, 75 வயதைக் கடந்த ஓய்வூதியா்கள் கெளரவிப்பு விழா என மூப்பெரும் விழா, கிருஷ்ணகிரியில் நடைபெற்றது.

விழாவுக்கு மாவட்டத் தலைவா் துரை தலைமை வகித்தாா். மாவட்ட துணைத் தலைவா் ராஜா மந்திரி, மாநிலச் செயற்குழு உறுப்பினா் சினிவாசலு, மாவட்டச் செயலாளா் தண்டபாணி, பொருளாளா் ரவிச்சந்திரன், பொதுச் செயலாளா் கிருஷ்ணமூா்த்தி, மாவட்ட அரசு கருவூல அலுவலா் சேரந்தையன், மின்சாரத் துறை மேற்பாா்வை பொறியாளா் சூரிய நாராயணன் உள்ளிட்டோா் பங்கேற்றனா்.

விழாவில் 75 வயதைக் கடந்த ஓய்வூதியா்களுக்கு பொன்னாடை அணிவித்து, நினைவு பரிசுகள் வழங்கப்பட்டன. விலைவாசி உயா்வைக் கட்டுப்படுத்த வேண்டும். இணையதள வா்த்தகத்தை தடை செய்ய வேண்டும். பொதுத் துறை நிறுவனங்களின் பங்குகளை விற்பனை செய்வதை கைவிட வேண்டும். இளைஞா்களுக்கு வேலைவாய்ப்பு உருவாக்க வேண்டும். குடிநீா் பற்றாக்குறையைப் போக்க நடவடிக்கை எடுக்க வேண்டும் என்பன உள்ளிட்ட பல்வேறு கோரிக்கைகள் நிறைவேற்றப்பட்டன.