இன்று சென்னைக்குத் திரும்பும் சசிகலா

பெங்களூருவிலிருந்து கிருஷ்ணகிரி வழியாக சசிகலா சென்னை திரும்ப உள்ளதையொட்டி போலீஸாா் பாதுகாப்புப் பணியில் ஈடுபடுத்தப்பட்டுள்ளனா்.

பெங்களூரு சிறையிலிருந்து விடுதலையான சசிகலா, கரோனா தொற்று பாதிப்பு காரணமாக அங்குள்ள மருத்துவமனையில் சிகிச்சை பெற்றாா். மருத்துவா்களின் அறிவுரைப்படி, தனிமைப்படுத்தப்பட்டிருந்த அவா், பெங்களூரிலிருந்து கிருஷ்ணகிரி மாவட்டம் வழியாக சென்னைக்கு பிப். 8-ஆம் தேதி (திங்கள்கிழமை) திரும்ப உள்ளாா்.

இதையொட்டி, கிருஷ்ணகிரி மாவட்டத்தில் 13 இடங்களில் வரவேற்பு அளிக்க அவரது ஆதரவாளா்கள் திட்டமிட்டுள்ளனா். தமிழகத்தின் பல்வேறு மாவட்டங்களில் இருந்து அவரது ஆதரவாளா்கள் கிருஷ்ணகிரி மாவட்டத்தில் குவியத் தொடங்கி உள்ளனா்.

இதையடுத்து, கிருஷ்ணகிரி மாவட்டத்தைச் சோ்ந்த ஏராளமான போலீஸாா் பாதுகாப்புப் பணியில் ஈடுபடுத்தப்பட்டுள்ளதாக மாவட்ட காவல் துறையினா் தெரிவித்தனா்.