‘தீ’ செயலி பதிவிறக்க விழிப்புணா்வு

‘தீ’ செயலியை செல்லிடப்பேசியில் பதிவிறக்கம் செய்து பயன்படுத்துவது குறித்த விழிப்புணா்வு நிகழ்ச்சி, ஊத்தங்கரை தீயணைப்பு மற்றும் மீட்பு நிலையம் சாா்பில் நான்குமுனைச் சந்திப்பில் திங்கள்கிழமை நடைபெற்றது.

ஊத்தங்கரை தீயணைப்பு மற்றும் மீட்பு நிலையம் சாா்பில் தீ செயலி மூலம் உதவி கோரும் விளம்பரப் பதாகை மூலம் தீ செயலியை பதிவிறக்கம் செய்து பொது மக்கள் பயன்படுத்துதல் குறித்து பொதுமக்கள் அதிகம் கூடும் இடங்களில் தீயணைப்பு நிலைய அலுவலா் அ.சக்திவேல் தலைமையில் பொதுமக்களிடம் விழிப்புணா்வு ஏற்படுத்தப்பட்டது.

நிகழ்ச்சியில் தீயணைப்பு மற்றும் மீட்பு நிலைய வீரா்கள் கலந்துகொண்டனா்.