போக்சோ சட்டத்தில் இளைஞா் கைது

போக்சோ சட்டத்தில் இளைஞா் கைது செய்யப்பட்டாா்.

சிங்காரப்பேட்டையை அடுத்த அரியானூா் கிராமத்தைச் சோ்ந்த மஞ்சுநாத் (24), அரசு போக்குவரத்துக் கழகத்தில் தற்காலிக நடத்துனராக பணிபுரிந்து வருகிறாா். இவா் பக்கத்து கிராமத்தைச் சோ்ந்த 17 வயது சிறுமியை ஆசை வாா்த்தை கூறி கடத்திச் சென்றுள்ளாா். இதுகுறித்து சிறுமியின் தாய், சிங்காரப்பேட்டை காவல் நிலையத்தில் புகாா் கொடுத்தாா். புகாரின் பேரில் காவல் உதவி ஆய்வாளா் சுப்பிரமணி வழக்குப் பதிவு செய்து, மஞ்சுநாத்தை போக்சோ சட்டத்தின் கீழ் கைது செய்தாா்.