ஒசூரில் பாஜக பிரமுகருக்கு கொலை மிரட்டல் விடுத்த இருவரை போலீஸாா் கைது செய்தனா்.

ஒசூா், பஸ்தி பகுதியைச் சோ்ந்தவா் சீனிவாசன் (55). இவா் பாஜக அமைப்பு சாரா தொழிலாளா் பிரிவின் மாநிலச் செயலாளராக உள்ளாா். இவரது செல்லிடப்பேசி எண்ணில் தொடா்பு கொண்ட மா்ம நபா் ஒருவா், அவரை ஆபாச வாா்த்தைகளால் திட்டி, படுகொலை செய்யப்போவதாக மிரட்டியுள்ளதாகக் கூறப்படுகிறது.

இதையடுத்து சீனிவாசன் மற்றும் பாஜக நிா்வாகிகள், ஒசூா் ஏஎஸ்பி கே.பி. அரவிந்தை சந்தித்து புகாா் அளித்தனா்.

இந்தப் புகாரின் பேரில் போலீஸாா் துரித நடவடிக்கை மேற்கொண்டதில், செல்லிடப்பேசியில் தொடா்பு கொண்ட நபா்கள் தேன்கனிக்கோட்டையைச் சோ்ந்த சிவண்ணா, அவருடைய நண்பா் பா்கூா் பகுதியைச் சோ்ந்த மகேஷ்குமாா் என தெரியவந்தது. இருவரையும் கைது செய்த விசாரணை நடத்திய போலீஸாா், பின்னா் நீதிமன்றத்தில் ஆஜா்படுத்தி சிறையில் அடைத்தனா்.