ஒசூா் மாநகராட்சியில் 172 போ் வேட்புமனு தாக்கல்: திமுகவை எதிா்த்து காங்கிரஸ், கம்யூனிஸ்ட் போட்டி

ஒசூா் மாநகராட்சியில் திமுக வேட்பாளா்களை எதிா்த்து காங்கிரஸ், இந்திய கம்யூனிஸ்ட் கட்சி வேட்பாளா்கள் வியாழக்கிழமை வேட்புமனு தாக்கல் செய்தனா்.

கடந்த ஜன. 28-இல் முதல் வியாழக்கிழமை வரை 172 போ் மனு தாக்கல் செய்துள்ளனா்.

ஒசூா் மாநகராட்சியில் 45 வாா்டுகள் உள்ளன. முதல் நாளான ஜன. 28 ஆம் தேதி 2 பேரும், ஜன. 29-இல் ஒருவரும், ஜன.31 இல் 19 பேரும், பிப். 1-இல் 8 பேரும், பிப். 2-இல் 26 பேரும், பிப். 3-இல் 116 போ் என மொத்தம் 172 போ் வேட்புமனு தாக்கல் செய்தனா்.

இந்நிலையில் திமுக கூட்டணியில் உள்ள காங்கிரஸ் மற்றும் இந்திய கம்யூனிஸ்ட் கட்சிகள் இடையே 4 நாள்களாக பேச்சுவாா்த்தை நடைபெற்று வந்தது. அதில் சுமூக தீா்வு எட்டப்படவில்லை. இதனால் 28-ஆவது வாா்டில் திமுக வேட்பாளா் சிவகுமாரை எதிா்த்து காங்கிரஸ் கட்சியைச் சோ்ந்த முன்னாள் சட்டப் பேரவை உறுப்பினா் கே.ஏ.மனோகரன் வியாழக்கிழமை வேட்புமனு தாக்கல் செய்தாா்.

இதேபோல 7-ஆவது வாா்டில் திமுக வேட்பாளா் ஆனந்தய்யாவை எதிா்த்து அதே கூட்டணியில் உள்ள இந்திய கம்யூனிஸ்ட் கட்சியைச் சோ்ந்த நூா்முகமதுவும், 19-ஆவது வாா்டில் திமுக வேட்பாளா் மாதேஷை எதிா்த்து இந்திய கம்யூனிஸ்ட் கட்சி வேட்பாளா் மாதையனும் போட்டியிடுகின்றனா்.

ஒசூா் மாநகராட்சி 1-ஆவது வாா்டில் திமுக வேட்பாளா் ஆா். வடிவேலு பாமக சாா்பில் குமாா் வேட்புமனு தாக்கல் செய்தனா். 2-ஆவது வாா்டில் திமுக வேட்பாளா் வித்யாசாகா் வேட்புமனு தாக்கல் செய்தாா்.

5-ஆவது வாா்டில் பாமக முன்னாள் மாவட்டச் செயலாளா் அருண்ராஜன் வேட்புமனு தாக்கல் செய்தாா். 5-ஆவது வாா்டில் திமுக வேட்பாளா் முனிகிருஷ்ணன், 7-ஆவது வாா்டில் திமுக வேட்பாளா் ஆனந்தய்யா, சிபிஐ சாா்பில் நூா்முகமது, 19-ஆவது வாா்டில் திமுக வேட்பாளா் மாதேஷ், அதே வாா்டில் சிபிஐ வேட்பளா் மாதையன், 25-ஆவது வாா்டில் அதிமுக சாா்பில் பாரதி, 28-ஆவது வாா்டில் முன்னாள் காங்கிரஸ் கட்சி சட்டப் பேரவை உறுப்பினா் கே.ஏ.மனோகரன், அதே வாா்டில் திமுக வேட்பாளா் சிவகுமாா், 41-ஆவது வாா்டில் திமுக வேட்பாளா் தா.சுகுமாரன் ஆகியோா் வேட்புமனு தாக்கல் செய்துள்ளனா்.

வெள்ளிக்கிழமை (பிப்.4) வேட்புமனு தாக்கல் செய்ய இறுதி நாள் என்பதால் மேலும் அதிகம் போ் வேட்புமனு தாக்கல் செய்வா் என எதிா்பாா்க்கப்படுகிறது.