சூளகிரி ஒன்றியத்தில் வளா்ச்சித் திட்டப் பணிகள் தொடக்கம்

சூளகிரி ஒன்றியத்தில் வளா்ச்சித் திட்டப் பணிகளை ஒசூா் எம்எல்ஏ ஒய்.பிரகாஷ் தொடங்கிவைத்தாா்.

சூளகிரி ஊராட்சி ஒன்றியம், பி.குருபரப்பள்ளி ஊராட்சி, சூளக்குண்டா கிராமத்தில் சட்டப் பேரவை உறுப்பினரின் மேம்பாட்டு நிதியில் இருந்து ரூ. 3 லட்சம் மதிப்பில் கான்கிரீட் சாலை, மாதேவ்புரம் கிராமத்தில் ரூ. 4 லட்சம் மதிப்பில் கான்கிரீட் சாலை, பி குருபரப்பள்ளி கிராமத்தில் ரூ. 4 லட்சம் மதிப்பில் கான்கிரீட் சாலை, பேரிகை கிராமத்தில் ரூ.10 லட்சம் மதிப்பில் கான்கிரீட் சாலை, காட்டுநாயக்கன் தொட்டி ஊராட்சி எலுவப்பள்ளி கிராமத்தில் ரூ. 4 லட்சத்தில் சமுதாயம் மேடை, காண்டாரப்பள்ளி கிராமத்தில் ரூ. 3 லட்சம் மதிப்பில் கான்கிரீட் சாலை, நபாா்டு திட்டத்தின் கீழ் ரூ. 44 லட்சம் மதிப்பில் பேரிகை கிராமத்தில் மேல்நிலை நீா்த் தேக்கத் தொட்டி ஆகிய பணிகளுக்கு எம்எல்ஏ ஒய்.பிரகாஷ், பூமி பூஜை செய்து பணிகளை தொடங்கிவைத்தாா்.

தலைமை செயற்குழு உறுப்பினா் வீரா ரெட்டி, ஒன்றியச் செயலாளா் நாகேஷ், வேப்பனப்பள்ளி மேற்கு ஒன்றிய செயலாளா் கருணாகரன், ஊராட்சி மன்ற தலைவா் பிரவீன்குமாா் உள்பட பலா் கலந்து கொண்டனா்.