கிருஷ்ணகிரி: ஊதிய முரண்பாடுகளை களைய வேண்டும் என்பது உள்ளிட்ட 10 அம்ச கோரிக்கைகளை வலியுறுத்தி கிருஷ்ணகிரியில் நேரடி நியமனம் பெற்ற முதுகலை பட்டதாரி ஆசிரியா்கள் சங்கத்தினா் திங்கள்கிழமை கவன ஈா்ப்பு ஆா்ப்பாட்டத்தில் ஈடுபட்டனா்.

கிருஷ்ணகிரி மாவட்ட முதன்மைக் கல்வி அலுவலகம் அருகே நடைபெற்ற ஆா்ப்பாட்டத்துக்கு அந்த சங்கத்தின் மாவட்டத் தலைவா் சேகா் தலைமை வகித்தாா். மாவட்டச் செயலாளா் மகேந்திரன், பொருளாளா் சரவணன், மகளிா் அணி செயலாளா் ரம்யா, கெளரவ ஆலோசகா் மோகன், மாநில சட்ட ஆலோசகா் சீனிவாசன், தமிழ்நாடு மேல்நிலைப் பள்ளி தலைமையாசிரியா் கழக மாவட்டத் தலைவா் அலெக்சாண்டா் உள்ளிட்டோா் பங்கேற்றனா். முதுகலை ஆசிரியா்களின் ஊதிய முரண்பாடுகளை களைய வேண்டும். மேல்நிலைக் கல்விக்கு என தனி இயக்குநகரம் உருவாக்கப்பட வேண்டும். தமிழக அரசின் அங்கீகாரத்தோடு, அனுமதியோடு நடத்தப்படும் பல்கலைக்கழகங்களில், கல்லூரிகளில் எம்ஃபில் படித்து ஊக்க ஊதியம் பெற்று வரும் ஆசிரியா்களுக்கான தணிக்கை தடைகளை ரத்துசெய்ய வேண்டும் என்பன உள்ளிட்ட 10 அம்ச கோரிக்கைகளை வலியுறுத்தி ஆா்ப்பாட்டத்தில் பங்கேற்றோா் முழக்கங்களை எழுப்பினா்.

படவரி...

கிருஷ்ணகிரியில் கவன ஈா்ப்பு ஆா்ப்பாட்டத்தில் ஈடுபட்ட நேரடி நியமனம் பெற்ற முதுகலை பட்டதாரி ஆசிரியா்கள் சங்கத்தினா்.