காரிமங்கலம் அருகே பந்தாரஅள்ளி ஊராட்சி கீழ்சவுளுப்பட்டியில் மாரியம்மன் கோயில் கும்பாபிஷேகம் வியாழக்கிழமை நடைபெற்றது.
இவ்விழாவானது கடந்த 12-ஆம் தேதி மாலை 4 மணிக்கு கணபதி பூஜையுடன் தொடங்கியது. 13-ஆம் தேதி அதிகாலை 4.30 மணிக்கு கலச ஆராதனை, பஞ்ச சூக்த ஹோமம், துர்கா சாஸ்திர நாமம், மகாசாந்தி ஹோமம், பூர்ணாஹுதி நடைபெற்றது. காலை 9 மணிக்கு திருக்குடங்கள் புறப்பாடு, தொடர்ந்து விநாயகர், மாரியம்மன் மற்றும் சுவாமிகளுக்கும், கோபுர கலசங்களுக்கும், பரிவார மூர்த்திகளுக்கும் மகா கும்பாபிஷேகம் நடைபெற்றது . காலை 10 மணிக்கு சுவாமிகளுக்கு விசேஷ அபிஷேக அலங்காரம், தச தரிசனம், மகா அபிஷேகம், மகா தீபாராதனை நடைபெற்றது. அனைவருக்கும் பிரசாதம் வழங்கப்பட்டது. இதில் ஆயிரக்கணக்கான பக்தர்கள் கலந்துகொண்டனர். இதில் பக்தர்களுக்கு அன்னதானம் வழங்கப்பட்டது.