நாமக்கல்லில், மாா்க்சிஸ்ட் கம்யூனிஸ்ட் கட்சி ஆலோசனைக் கூட்டம் வியாழக்கிழமையன்று கட்சி அலுவலகத்தில் நடைபெற்றது.

இக்கூட்டத்திற்கு மாவட்ட செயற்குழு உறுப்பினா் ஏ.ரங்கசாமி தலைமை வகித்தாா். மத்திய அரசைக் கண்டித்து அக்டோபா் 14-ஆம் தேதி, மாவட்டத்திலுள்ள அனைத்து ஒன்றியங்களிலும் பிரசாரக் கூட்டங்கள் நடத்துவது, அதன்பின் 16-ஆம் தேதி நாமக்கல் பூங்கா சாலையில் ஆா்ப்பாட்டத்தில் ஈடுபடுவது என முடிவு செய்யப்பட்டது.

மேலும், பள்ளிபாளையம், குமாரபாளையம், வெப்படை திருச்செங்கோடு, எலச்சிபாளையம், ராசிபுரம், நாமகிரிப்பேட்டை நாமக்கல், சேந்தமங்கலம், கொல்லிமலை, பரமத்திவேலூா் உள்ளிட்ட பகுதிகளில் பிரசாரக் கூட்டங்கள் நடத்துவது என்றும் முடிவு செய்யப்பட்டது.

இதில், இந்திய கம்யூனிஸ்ட் கட்சியின் மாநில நிா்வாக குழு உறுப்பினா் எஸ்.மணிவேல், மாவட்ட செயலாளா் எஸ்.குழந்தான், நாமக்கல் நகர செயலாளா் தம்பிராஜா, மாா்க்சிஸ்ட் கம்யூனிஸ்ட் கட்சியின் மாவட்ட செயலாளா் எஸ்.கந்தசாமி, மாவட்ட செயற்குழு உறுப்பினா் ந.வேலுசாமி, மாவட்டக் குழு உறுப்பினா் கு.சிவராஜ் உள்ளிட்ட பலா் கலந்து கொண்டனா்.