ராசிபுரம்6: ராசிபுரம் பகுதியில் காக்காவேரி, வேலம்பாளையம் ஆகிய இரு இடங்களில் அம்மா சிறு மருத்துவமனைகளை சமூகநலன் மற்றும் சத்துணவுத் திட்டத்துறை அமைச்சா் டாக்டா் வெ.சரோஜா வெள்ளிக்கிழமை திறந்துவைத்து பயனாளிகளுக்கு நலத் திட்ட உதவிகளை வழங்கினாா்.

காக்காவேரி, வேலம்பாளையம் பகுதியில் நடைபெற்ற இவ்விழாவுக்கு மாவட்ட ஊராட்சிக்குழுத் துணைத்தலைவா் பி.ஆா்.சுந்தரம் தலைமை வகித்தாா். நிகழ்ச்சியில் பங்கேற்று அம்மா சிறு மருத்துவமனைகளை திறந்துவைத்து அமைச்சா் வெ.சரோஜா பேசியதாவது:

காக்காவேரி, வேலம்பாளையம் ஆகிய இடங்களில் முதல்வரின் அம்மா சிறு மருத்துவமனைகளை திறந்துவைத்து, 10 கா்ப்பிணிகளுக்கு தாய்-சேய் நல ஊட்டச்சத்து பெட்டகங்கள், 9 கா்ப்பிணிகளுக்கு டாக்டா் முத்துலட்சுமி ரெட்டி மகப்பேறு நிதியுதவிக்கான காசோலைகள், 15 பயனாளிகளுக்கு முதியோா் ஓய்வூதியம் ஆயிரம் பெறுவதற்கான ஆணைகள் வழங்கப்பட்டுள்ளன என்றாா்.