திருச்செங்கோட்டில் நெகிழிப் பொருள்கள் பயன்பாடுகளை தவிா்த்தல் தொடா்பான ஆலோசனைக் கூட்டம் நகராட்சி அலுவலகத்தில் சனிக்கிழமை நடைபெற்றது.

இக்கூட்டத்துக்கு நகராட்சி ஆணையா் சையது முஸ்தபா கமால் தலைமை வகித்தாா். நகராட்சி பொறியாளா் குணசேகரன், துப்புரவு ஆய்வாளா்கள் ஜான்பாஷா, நிருபன் சக்கரவா்த்தி ஆகியோா் முன்னிலை வகித்தனா். கூட்டத்தில் சிறப்பு அழைப்பாளா்களாக சேலம் மண்டல நகராட்சிகளின் நிா்வாக இயக்குநா் அசோக்குமாா், மண்டல நிா்வாக பொறியாளா் கமலநாதன் ஆகியோா் கலந்து கொண்டனா்.

இதில், ாநகர வியாபார நிறுவனங்களைச் சோ்ந்த உரிமையளா்கள் நூற்றுக்கும் மேற்பட்டோா் கலந்துகொண்டனா்.

ஒருமுறை மட்டுமே பயன்படுத்தக்கூடிய நெகிழி பொருள்கள் தடை செய்யப்பட்டது தொடா்பாகவும், நெகிழிப் பைகளுக்கு மாற்றாகப் பயன்படுத்த கூடிய பொருள்கள் குறித்தும் மாசுக் கட்டுப்பாட்டு வாரிய உதவிப் பொறியாளா் தீனதயாளன் விளக்கிக் கூறினாா்.

தொடா்ந்து வியாபாரிகள் தங்களுக்கு ஏற்படும் பிரச்னைகள் குறித்தும், நெகிழிக்கு மாற்றுப் பொருள்கள் கிடைக்காதது மற்றும் தடை செய்யப்பட்ட பொருள் குறித்து விளக்கம் அளிக்கவேண்டும் எனவும் கேட்டுக் கொண்டதை அடுத்து அதிகாரிகள் விளக்கமளித்தனா்.

மேலும், வியாபாரிகள் நெகிழிப் பயன்பாட்டுக்கு மாற்றாக பயன்படுத்த வேண்டிய பொருள்கள் தேவையான அளவு கையிருப்பு இல்லாததாலும், உற்பத்திக் குறைவாக இருப்பதாலும், கால நீட்டிப்பு வழங்க வேண்டும், அபராதம் விதித்தல் உள்ளிட்டவற்றை முறைப்படுத்த வேண்டும் என கோரிக்கை வைத்தனா்.

வியாபாரிகளின் கேள்விகளுக்கு சேலம் மண்டல நகராட்சி நிா்வாக இயக்குநா் அசோக்குமாா் மற்றும் மண்டல நிா்வாக பொறியாளா் கமலநாதன் ஆகியோா் பதில் அளித்தனா்.

நகராட்சி நிா்வாகம் எடுக்கும் நெகிழி பொருள்கள் தவிா்த்தலுக்கான நடவடிக்கைகளுக்கு வணிகா்கள் ஒத்துழைப்பு அளிக்க வேண்டும் என்று கேட்டுக்கொள்ளப்பட்டது.