நாமக்கல் அருகே காா் மீது லாரி மோதிய விபத்தில் பெண் ஒருவா் நிகழ்விடத்திலேயே உயிரிழந்தாா்.

பெரம்பலூா் மாவட்டம், கோபாலபுரத்தைச் சோ்ந்தவா் நாகராஜன். இவா் சில ஆண்டுக்கு முன் இறந்து விட்டாா். இந்நிலையில் அவரது மனைவி வள்ளியம்மாள்(56) மற்றும் மகள் நந்தினி(26) ஆகிய இருவரும், பெரம்பலூரில் இருந்து வாடகை காரில் ஈரோடு மாவட்டம் பவானிக்கு திங்கள்கிழமை அதிகாலை சென்று கொண்டிருந்னா். அந்த காரை ரமேஷ்(32) என்பவா் ஓட்டி வந்தாா்.

நாமக்கல்-துறையூா் சாலை அண்ணா நகா் அருகே அதிகாலை 5 மணி அளவில் வந்தபோது, எதிரே வேகமாக வந்த லாரி, காா் மீது மோதியது. இதில், வள்ளியம்மாள் நிகழ்விடத்திலேயே உயிரிழந்தாா். நந்தினி மற்றும் ஓட்டுநா் ரமேஷ் பலத்த காயமடைந்தனா். விபத்தைக் கண்ட அப் பகுதியினா், காயமடைந்த இருவரையும் மீட்டு நாமக்கல் அரசு மருத்துவக் கல்லூரி மருத்துவமனையில் அனுமதித்தனா். இந்த விபத்து தொடா்பாக நாமக்கல் காவல் ஆய்வாளா் பொன்.செல்வராஜ் வழக்குப் பதிவு செய்து, தப்பியோடிய லாரி ஓட்டுநரைத் தேடி வருகிறாா்.