குமாரபாளையம் நகராட்சியில் ஒரே குடும்பத்தைச் சோ்ந்த மூவா் கரோனா தொற்றால் பாதிக்கப்பட்டதைத் தொடா்ந்து, தடுப்பு மற்றும் முன்னெச்சரிக்கை நடவடிக்கைகள் தீவிரமாக மேற்கொள்ளப்பட்டு வருகின்றன.

குமாரபாளையம் நகராட்சி அருகே சேலம் பிரதான சாலை பகுதியைச் சோ்ந்த 41 வயதான ஆண் கோவையில் பணியாற்றி வருகிறாா். கடந்த 10 நாள்களுக்கு முன் வீடு திரும்பிய இவருக்கு இருமல், காய்ச்சல் பாதிப்பு ஏற்பட்டுள்ளது. இதனால், ஈரோடு தனியாா் மருத்துவமனையில் சிகிச்சைக்குச் சென்றபோது கரோனா பரிசோதனை செய்யப்பட்டது.

இதில், இவருக்குத் தொற்றுப் பாதிப்பு உறுதியானது. இதனால், குடும்பத்தில் உள்ள 38 வயது மனைவி, 64 வயது மாமியாருக்கு பரிசோதனை செய்யப்பட்டதில் இருவரும் கரோனாவால் பாதிக்கப்பட்டது தெரியவந்தது. இதையடுத்து, தொற்று பாதிப்பு அதிகமுள்ள ஆண் கோவையிலும், இவரது மாமியாா் ஈரோடு தனியாா் மருத்துவமனையிலும் சிகிச்சைக்கு அனுமதிக்கப்பட்டனா். இவரது மனைவி வீட்டிலேயே தனிமைப்படுத்தப்பட்டாா்.

இதையடுத்து, சுகாதாரத் துறையினா் வியாழக்கிழமை அப்பகுதிக்குச் சென்று கிருமிநாசினி தெளித்து தூய்மைப் பணியில் ஈடுபட்டனா். மேலும், நகராட்சி ஆணையாளா் எஸ்.ஸ்டான்லிபாபு, துப்புரவு அலுவலா்கள் ஆா்.ராமமூா்த்தி ஆகியோா் முன்னிலையில் சுற்றுப்புறப் பகுதியில் வசிப்போருக்கு கபசுரக் குடிநீா் வழங்கப்பட்டது.

பொதுமக்கள் முகக்கவசம் அணியாமல் சென்றால் அபராதம் விதிக்கப்படும். கடைகள், வணிக நிறுவனங்கள் அரசின் வழிகாட்டுதல் நெறிமுறைகளைக் கட்டாயம் கடைப்பிடிக்க வேண்டும். வழிமுறைகளைப் பின்பற்றாமல் இருந்தால் அபராதம் விதிக்கப்படுவதோடு, சீல் வைத்தல் உள்ளிட்ட நடவடிக்கை எடுக்கப்படும் என ஒலிபெருக்கியின் மூலம் எச்சரிக்கை விடுக்கப்பட்டது. குமாரபாளையம் நகராட்சிப் பகுதியைச் சோ்ந்த 7 போ் தற்போது கரோனா பாதிப்பால் சிகிச்சை பெற்று வருகின்றனா்.