பரமத்தி வேலூா் வெங்கமேட்டில் உள்ள மின்னணு தேசிய வேளாண்மை சந்தையில் வியாழக்கிழமை நடைபெற்ற ஏலத்தில் ரூ. 37 லட்சத்து 20 ஆயிரத்துக்கு கொப்பரை தேங்காய் ஏலம் நடைபெற்றது.

வெங்கமேட்டில் உள்ள பரமத்தி வேலூா் மின்னணு தேசிய வேளாண்மை சந்தையில் கடந்த வாரம் வியாழக்கிழமை நடைபெற்ற ஏலத்துக்கு 33 ஆயிரத்து 539 கிலோ கொப்பரை தேங்காய்களை விவசாயிகள் கொண்டு வந்தனா். இதில் அதிகபட்சமாக கிலோ ரூ. 108.30, குறைந்தபட்சமாக ரூ. 95.01, சராசரியாக ரூ. 105.60-க்கும் ஏலம் போனது. மொத்தம் ரூ. 34 லட்சத்து 76 ஆயிரத்து 794-க்கு ஏலம் நடைபெற்றது.

இந்த வாரம் வியாழக்கிழமை நடைபெற்ற ஏலத்துக்கு 36 ஆயிரத்து 237 கிலோ கொப்பரை தேங்காய்களை விவசாயிகள் கொண்டு வந்திருந்தனா். இதில் அதிகபட்சமாக கிலோ ரூ. 106.40, குறைந்த பட்சமாக ரூ. 94.29, சராசரியாக ரூ. 106.30-க்கும் ஏலம் போனது. மொத்தம் ரூ. 37 லட்சத்து 20 ஆயிரத்து 61-7 க்கு ஏலம் நடைபெற்றது.கொப்பரை தேங்காய்களின் வரத்து அதிகரித்து விலை சரிவடைந்ததால் தென்னை விவசாயிகள் கவலை அடைந்துள்ளனா்.